«Ирон чиныг»
Дзæуджыхъæуы рæвдауæндæттæу иуы абон сарæзтой дæсныйад-æвдисæн ахуыртæ. Архайджытæн равдыстой сæрмагонд мобилон уæлæфтуан. Хуынйы – «Ирон чиныг». Ис ын хай «Таурæгъты дунейыл балц», зæгъгæ. Сывæллæтты рæвдауæндоны хъомылгæнджытæн ахуырады рæстæджы дзы куыд пайда кæнын хъæуы, уый тыххæй радзырдтой.
Ахæм дæсныйад æвдисæн ахуыртæ ахуыргæнджыты хсæн аразынц арæх. Уый цæмæй сæ фæлтæрддзинад фылдæр кæна æмæ кæрæдзийæн зонындзинæдтæ амононой. Проект сарæзтой, цæмæй сывæллæттæ ирон æвзагмæ æмхиц уой. Рагацау æй ахуыр кæной. Ахæм фадат фæзынд Президенты грантты фонды æххуысæй. Пайдагæнджытæ, куыд зæгъынц, афтæмæй уæлæфтуанæй æнцон у архайын. Ис дзы алыхузон цымыдисаг æрмæджытæ. Амидингæнджыты ныхæстæм гæсгæ, Ирон Чиныгæй пайда кодтой 12 рæвдауæндоны. Ацы аз ма сæм бафтдзæн 20.
Источник: НТК “Осетия-Ирыстон”. Выпуск от 23 мая 2019.